المنتدى المصرى الأول

مرحباً بكم فى .: المــنـتـدى الـمـصـــ1لأول ـــــرى :. نسعد بإشتراككم معنا للإشتراك إضغط تسجيل , إذا كنت مشترك بالفعل إضغط دخول وشكراً لسيادتكم...المنتدى مفتوح للجميع بادر بالإشتراك وإنضم للقائمه الإشرافيه...مع تحيات فريق عمل .: المــنـتـدى الـمـصـــ1لأول ـــــرى :.
المنتدى المصرى الأول

    للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    شاطر
    avatar
    Moha Saber
    مشرف قسم الإبداع
    مشرف قسم الإبداع

    عدد المساهمات : 599
    تاريخ التسجيل : 07/06/2009
    مزاجك ايه؟ مزاجك ايه؟ : عسل

    للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    مُساهمة من طرف Moha Saber في الخميس أغسطس 20, 2009 7:13 pm

    انا هقولكم يا بنات ازاى تخلو الواد

    مننا يقع فى حبك بدون تعب ولا مجهود


    أولا : الولد بيحب البنت الرقيقة

    رفعوا صوتكم يا بنات .
    و أول ما تشوفى حاجه وحشة .. سورقى (يغمى عليكى) من كتر الرقة
    عيطى كتير . العياط دليل على الاحساس المرهف . أقولك .. نكدى عليه الليلة .


    ثانيا الولد بيحب البنت الرومانسية

    سبلى له .
    اسرحى كتير كلميه عن القمر و حاجات من دى .قوليله شايف القمر يا عتريس

    لازم تكونى هيمانه و انتى بتتكلمى . و يكون صوتك واطى .. وشوشة .


    ثالثا : الولد بيحب البنت المؤدبه

    قولى له انه اول واحد فى حياتك حتى لو كنتى متجوزة قبل كده و حامل فى توأم..

    و لو سأل على انتفاخ بطنك قولى له كيس دهنى

    و لو عارف و متأكد انه كان لك علاقات كثيرة مثله

    قوليله : دى كلها اشاعات ده هما اللى كانوا معجبين بيا لكن انا ولا سألت فيهم كلهم


    رابعا : الولد بيحب البنت الاستايل style

    كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..

    مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..

    دى بتغير منك و مش عايزاكى تبقى على الموضه .

    ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .


    خامسا :الولد بيحب البنت الدلوعة

    ادلعى ياختى انت و هى . ما تبقوش عساكر .



    سادسا : الولد بيحب البنت الجذابه اللى بتكون محور اهتمام الآخرين

    فهميه ان في آخرين كتير معجبين بيكى

    و قولى له : ارجوك اوعى تغير انا حواليا كتير .

    ولا بيهمنى أبدا منهم ايه يعنى اكون حلوة فى عينهم .

    ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك حورى عليه .


    سابعا : الولد بيحب البنت اللى بتحسسه برجولته و تحسسه بنفسه

    ايه ده ! .. ايه العضلات دى كلها .. دى احلى عضلات شفتها فى حياتى .

    . يا سلام !! ايه الشياكة دى كلها . انت أشيك ولد شفته فى حياتى(مش مهم هو لابس ايه . انبهرى و خلاص ) .

    يا سلام !! انت تقاطيع وشك حلوه بشكل ( حتى لو كانت ملخبطه )

    و طول مانتى قاعده اشكرى فيه خليه كده قاعد نافش ريشه . و فرحان بنفسه .



    ثامنا : اتمحكى فيه ( الزقي له )خليكى دايما معاه

    كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص

    منك و لا يشوفش غيرك ادامه .

    تاسعا عددى مواهبك :

    اكلك لازم يبقى مظبوط

    قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق فى شم النسيم .


    عاشرا رغم حبك الشديد للحريه والانطلاق

    قوليله انت مالك وقتى وتفكيرى مش عارفه اعمل حاجه الا انى افكر فيك

    مليت على ايامى شغلت لى الزمن

    قوليله انا من الساعه 11 فى السرير بحاول انام ومش عارفه انام لانى بفكر فيك

    (وتكون الساعه اساسا 10:30)

    مش هياخد باله من الكلام خالص


    النتيجة :

    لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك يتفكرى ..

    سهريه .. لوعيه .. بهدليه .. لكن ماتتقليش العيار ليطير منك .


    لو الولد ما سألش فيكى و لا عبرك . و لا أخد باله منك أصلا

    يبقى بنت تانيه سبقتك يا اموره او ممكن تكونى انتى تقلتى العيار شويه .



    ملحوظة : كررى الخطوات من 1 - 10مع ولد تانى بعد جمع معلومات و عمل تحريات عنه و التأكد من انه فاضى . غير

    مرتبط ..علشان ما يفكش منك زى الاولانى...و ربنا يوفقك .
    avatar
    ZoRo
    المدير العام
    المدير العام

    عدد المساهمات : 895
    تاريخ التسجيل : 07/06/2009

    رد: للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    مُساهمة من طرف ZoRo في الخميس أغسطس 20, 2009 7:15 pm

    ايوه كده خلينا نعمل عكس الكلام ده علشان محدش يعرف يوقعنا



    إنتظروا منا كل جديد

    ____
    ZoRo
    avatar
    hosamdme
    مشرف قسم الأفلام
    مشرف قسم الأفلام

    عدد المساهمات : 1223
    تاريخ التسجيل : 08/06/2009
    العمر : 23
    مزاجك ايه؟ مزاجك ايه؟ : رايق

    رد: للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    مُساهمة من طرف hosamdme في الجمعة أغسطس 21, 2009 7:24 am

    هههههههههههههههههههه ولو انى ولد طبعا بس مقدرتش امسك نفسى من انى ادخل على الموضوع بس بجد برافووووووووووو






    avatar
    بيبسى
    مشرفة قسم حواء
    مشرفة قسم حواء

    عدد المساهمات : 144
    تاريخ التسجيل : 08/06/2009

    رد: للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    مُساهمة من طرف بيبسى في الخميس سبتمبر 03, 2009 7:11 am

    هههههههههههههههههههههههههههههه طب لما الولد بيحب كل الصفات دى اومال ايه اللى مابيحبوش بقه على كده
    دا تقريبا الولاد كده بيحبوا كل حاجه



    avatar
    The Leader
    المراقب العام
    المراقب العام

    عدد المساهمات : 394
    تاريخ التسجيل : 28/06/2009
    مزاجك ايه؟ مزاجك ايه؟ : 100 100 بعد الثانويه

    رد: للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    مُساهمة من طرف The Leader في الخميس سبتمبر 03, 2009 8:27 am

    ليه كده يا نجم مش عايزين البنات يعرفوا حاجه عننا



    avatar
    Moha Saber
    مشرف قسم الإبداع
    مشرف قسم الإبداع

    عدد المساهمات : 599
    تاريخ التسجيل : 07/06/2009
    مزاجك ايه؟ مزاجك ايه؟ : عسل

    رد: للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    مُساهمة من طرف Moha Saber في الإثنين سبتمبر 07, 2009 6:48 pm

    يلا اهو كله بثوابه
    avatar
    solanob
    مشرف قسم الرياضه
    مشرف قسم الرياضه

    عدد المساهمات : 2454
    تاريخ التسجيل : 11/11/2009
    العمر : 24
    الموقع : في البيت
    مزاجك ايه؟ مزاجك ايه؟ : lمصري

    رد: للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    مُساهمة من طرف solanob في السبت يونيو 19, 2010 8:23 pm

    مشكور علي المجهود الراااااااائع



    [img][/img]
    avatar
    Rooomy
    مشرفة قسم الفرفشه
    مشرفة قسم الفرفشه

    عدد المساهمات : 1736
    تاريخ التسجيل : 30/07/2009
    العمر : 22
    الموقع : فى المنزل
    مزاجك ايه؟ مزاجك ايه؟ : زى الفل

    رد: للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    مُساهمة من طرف Rooomy في الأحد يونيو 20, 2010 2:41 am

    THANX
    avatar
    solanob
    مشرف قسم الرياضه
    مشرف قسم الرياضه

    عدد المساهمات : 2454
    تاريخ التسجيل : 11/11/2009
    العمر : 24
    الموقع : في البيت
    مزاجك ايه؟ مزاجك ايه؟ : lمصري

    رد: للبنات فقط : عاوزى توقعى أى ولد خسى وشوفى الطرق الكتير اللى عندنا وطمنينا بعد النتيجه

    مُساهمة من طرف solanob في الأحد يونيو 27, 2010 8:39 pm

    مجهووووووود كبير جداااااااا



    [img][/img]

      الوقت/التاريخ الآن هو الخميس نوفمبر 23, 2017 1:42 pm