المنتدى المصرى الأول

مرحباً بكم فى .: المــنـتـدى الـمـصـــ1لأول ـــــرى :. نسعد بإشتراككم معنا للإشتراك إضغط تسجيل , إذا كنت مشترك بالفعل إضغط دخول وشكراً لسيادتكم...المنتدى مفتوح للجميع بادر بالإشتراك وإنضم للقائمه الإشرافيه...مع تحيات فريق عمل .: المــنـتـدى الـمـصـــ1لأول ـــــرى :.
المنتدى المصرى الأول

    حبيتك لإلتزامك . . . . . حبيتك لاحترامك " مقطوه جميله "

    شاطر
    avatar
    بيبسى
    مشرفة قسم حواء
    مشرفة قسم حواء

    عدد المساهمات : 144
    تاريخ التسجيل : 08/06/2009

    حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف بيبسى في الأربعاء أغسطس 12, 2009 6:45 pm

    السلام عليكم ورحمة الله وبركاته

    قرأتها فأعجبتنى فأحببت أن تقرؤوها
    معى

    حبيتك لإلتزامك . . . . . حبيتك لاحترامك
    حبيت فيكي التواضع . . . .
    .والعزة اللي ف كلامك
    مبسوط منك لأنك . . . . .إسلامك كل همك
    أنا أصلي قابلت
    بابا . . . . . واداني فكرة عنك
    وسألته عن طباعك . . . . . إن كانت يعني
    هادية
    فحكالي عن سماعك . . . . . لكلامه وانت راضية
    وازاي بتسلي نفسك . . . .
    .بذكرك وانت فاضية
    وحلاوة صوت تلاوتك. . . . . .وإزاي بتكوني شاديه


    وسألته إن كنتي فاهمة . . . . معنى كلمة زوجين
    قالي هتكونوا ورقة . . .
    . . . مطبوعة نسختين
    غني كنت أو فقير . . . . . . ليك عند بنتي دين
    سرك هيكون
    في بير . . . . . معرفش مكانه فين
    تفضل دايماً كبير . . . . . . . في نظرها
    حبتين
    لو جيت بفلوس كتير . . . . . تطمن جت منين

    هتكون دايماً معاها . .
    . . . . سيرتك هتكون هواها
    والشوق اللي ف خيالك . . . . .. . . تلقاه لحظة
    لقاها
    لو جيت زعلان ف مرة . . . . . . . إرمي همومك وراها
    ومهما شوفت بره . .
    . . . . مش هتشوف مستواها
    واطمن يابني خالص . .. . . . عقلها مافيهوش
    تفاهة
    وزي ما هي بنتي . . . . . .. بنت حماتها وحماها

    وسألته عن ولادي .
    . . . . . . . منك هيكونوا إيه؟
    قاللي هيكونوا عادي . . . . . . . فسألته يعني
    إيه؟!
    قاللي العادي إللي كان . . . .. . . . عند الناس من زمان
    العادي بتاع
    سراقة . . . . . .. . . وحذيفة بن اليمان
    العادي بتاع أسامة . . . . .. . . وابن
    الحكيم لقمان

    ده العادي بتاعنا إحنا . . .. . . . . بنربي عليه عشان
    لو
    جينا ولا رحنا . . . . . . هنقابل الرحمن
    عمرك ما تخاف عليهم . . . . . . . .
    ولادك في الأمان
    أنا بنتي هتربيهم . . . . .. . . ع السنة والقرآن
    هتشوف ابنك
    بيصحى . . . . . . . مادام سمع الأذان
    ينزل في الفجر يقرا . . . . . .. . .
    بالسجدة والانسان
    هتشوف في حجاب بناتك . . . . . . . . العفة والإحسان
    هتشوف
    إزاي مراتك . . . . .. . . هتعينك إنت كمان

    وسألته عن حياتك . . . . . . .
    من قبل الالتزام
    قال أتذكر في ليلة . . . . . . . . مش فاكر أنهي عام
    أذان
    الفجر أذن . . . . . . . وقالتلي سيبني أنام
    فدخلت الأوضه جوه . . . . . . .. .
    أجيب منها الحزام
    وعبال ما رجعت تاني . . . . .. . . كات رجعت ف الكلام
    الله
    يجازي الشيطان . . . .. . خلاها تقول أنام
    بس اطمن خلاص . . . . . دلوقتي بقت
    تمام!

    قدملي مكة كولا . . . . . . . . قاللي اتفضل وسمي
    أحسن من سكة كولا
    . . . . . . . . صدقني وخدها مني

    قلتله طيب ياعمي . . . . . . . يسعدني
    أقولك إني
    بطلب بنتك ونفسي . . . . . . . تناسبني وترضى عني
    راح شادد فجأه
    لبسي . . . . . . وقلب وشه وسألني

    حافظ كم جزء يابني . . . . . . . . وقاري
    كم كتاب
    احكيلي كده عن مؤت . . . . . . أوغزوة الأحزاب
    وسمع كم حديث . . . .
    . . . . في الأخذ بالأسباب
    وكمان سمعلي آيه . . . . . . . ذكرت فيها
    الدواب
    ولو شايفها صعبة . . . . . . . . قللي بتاعة الذباب
    واحكيلي حلم يوسف
    . . . . . . . . وبراءة الذئاب
    واخواته لما جولوه . . . . . . . دخلوا من أنهي
    باب
    واديني فكرة برضه . . . . . .. . بتقبض كم ثواب
    وناوي ازاي تحسن
    ..............أنا شايفك لسه شاب

    وسأل نفسه وسألني . . . . . . . . هيعوز
    إيه يعني مني؟
    لو عندي كل حاجه . . . . . . . وديني مش شاغلني
    أحسن لك تنسى
    بنتي . . . . . . . ومهرك مش لازمني
    قلتله صبرك ياعمي . . . . . . . . وبراحتك
    امتحني
    يبقى اما أسأل تجاوب . . . . . خليك دايماً فاهمني
    سألتك وانت ساكت .
    . . . . . . . خليتني أظن ظني
    وفضل يسأل واجاوب ... . . . . وعشان خاطرك
    عصرني
    وظهرت النتيجة . . . . . . . .. وبفضل الله قبلني

    قاللي مقبول في
    نظري . . .. . . . مبروك عليك ياسيدي
    لكن في نظرها هي . . . . . . . . نجاحك مش
    بإيدي
    وهي زمانها راجعة . . . . . . . . من تمرين السويدي
    خليك قاعد شوية . .
    . . . . . . .استنا لما تيجي
    هعملك من إيديا . . . . . . . كباية شاي
    صعيدي

    سابني وقعدت أفكر . . . . .. . . . هل ممكن ترفضيني
    طاب قولي حتى
    أفكر . . . . . . . . مش يمكن تفهميني
    وفضل مخي يلاعبني . . . . . . . . يجيبني
    ويوديني
    وخايف م المقابلة . . . . . . . . .مرعوب بينك وبيني
    ودق الباب في
    ثانية . . . . . . . وشوفتك مرة تانية
    مش قادر أنسى يومها . . . . . . . . وفاكر
    كل ثانية

    ونده والدك عليكي . . . . . . . عشان أول لقاء
    دخلتي وشوفت وشك
    . . . . . . . . . عليه نور الحياء
    نور والله فعلاً . . . . . . . . مش نور
    بودرة وزواء
    كان أول مرة أخاف . . . . . . من فتنة النساء
    أخلاقك مش عادية .
    . . . . وجمالك كان شفاء

    قعدتي جنب والدك . . . . . . . . وسألتيني
    وجاوبتك
    وفكل مرة أجاوب . . . . . . . . كنت باشوف ابتسامتك
    ف أقول من جوه
    نفسي . . . . . . . . يارب أكون عجبتك
    وبعد شوية قمتي . . . . . . . ندهت عليكي
    مامتك
    ورحتي دخلتي جوه . . . . . . . وراح وراكي والدك
    وانا قلت مش مروح . .
    . . غير لما أكون خطبتك

    وابوكي جاني تاني . . . . . . . . وقرب من
    وداني
    لابس كرفته سوده . . . . . . . . وبدله لون فراني
    المنظر يعني كله . .
    . . . . . . ميدلش ع التهاني
    قلتله مالك ياعمي . . . . . . من فضلك قول
    عشاني
    عرقي غرقلي كمي . . . . . . . سايبني ليه أعاني
    قاللي مستني إيه . . .
    . . . . فين إيدك إديهاني
    البنت مش موافقة . . . . . . . تتجوز حد تاني


    كان أول مرة أعرف . . . . . . . . إزاي الناس بتفرح
    سعادتي كات غريبة .
    . . . . مش ممكن هقدر أشرح
    من كتر حبي ليكي . . . . . . نويت أضحي وادبح
    رحت
    اشتريت خروف . . . . . . وكان خروف بينطح
    ده أخيراً هبقى جوزك . . . . وشجرة
    صبري تطرح

    خطوبتنا كات بسيطة . . . . . . . . مكانش فيها زيطة
    وفرحنا كان
    في جامع . . . . . . . يعني مش خلطبيطة
    ومامتك جت في يومها . . . . . . ورقعت
    كام سويطة
    هاتولي بنتي منه . . . . . . . دي مش فاهمة العبيطة
    إنه هيخطفها
    مني . . . . . . وهتوحشني الغتيتة

    صعبت عليا مامتك . . . . . . . . . الموقف
    كان شديد
    لكن فعلاً خطفتك . . . . . . . ورحنا مكان بعيد
    فاكرة ولا انتي
    ناسية . . . . . . . أكيد فاكرة أكيد
    من يوم ما بقيتي زوجتي. . . . . . وانا
    متهني وسعيد
    معايا ف كل يوم . . . . . . . ويوم لؤاكي عيد
    عمرك ما دقتي نوم .
    . . . . . وانا تعبان أو مريض
    فلوسي كات بتكتر . . . . . . . والخير عندك
    يزيد
    وعامله ليه دفتر . . . . . . . ومرتبه المواعيد
    وبفضل الله قدرتي . . .
    . . . . وجبتيلي الوليد
    وبعديها بشوية . . . . . . . . جبتيلنا عليه
    يزيد
    وبعديه جت سمية . . . . . وآخرهم كان حميد

    بدعيلك كل يوم . . . . .
    . . . . وأفضل أعيد وازيد
    ربيتي عيالي دول . . . . . . . . ع القرآن
    المجيد
    طول عمرك وانتي صافية . . . . . قلبك لون الجليد
    أخلاقهم مش عادية . .
    .. . . . . طلعنلك مش بعيد
    وليد دلوقتي ضابط . . . . . . . ومعاه رتبة
    عقيد
    ودعوة قلبي صابت . . . . . . . ويزيد أهو مات شهيد
    وبنتك صيدلية . . . .
    . . . . . وحميد أصبح معيد
    الله برحم أبوكي . . . . . . .. . راجل من نوع
    فريد
    كل اللي قاله فيكي . . . ... . أنا عشته بالتحديد

    عشت معاكي ف
    حكاية . . . . .. . أحلى وأجمل رواية
    حكايتي كات معاك . . . . . .. . . وحكايتك
    كات معايا
    اديتك كل عمري . . . . . . . . . وهمك كان رضايا
    وعمرك خدته منك .
    . . . . . . . . وقربك كان دوايا
    وخلاص العمر راح . . . . .. . . . راحت أيام
    صبايا
    ومسافر رحله صعبة . . . . . . . وزادي مش كفايه
    مش عاوز أشوف دموعك . .
    . . . . بالذات ف يوم عزايا
    أنا عارف إنتي عارفة . . . . . . إن الموت مش
    نهاية
    دي لسة الرحلة طالعة . . . . . . والموت خط البداية
    إدعيلي يمكن أوصل .
    . . . . . . وأشوف هناك حمايا
    أنا عارف إنه فيها . . . . . . . محجوزله هناك
    سرير

    وسلامي في النهاية . . . . . . . أنا خلصت الحكاية
    لو يوم فكرتي فيه
    . . . . . . إقري شعري وغنايا
    وأمانه ف كل مرة . . . . . . تدعي لي
    بالهداية
    عسى ربي بدعائك . . . . .. يغفر ليا الخطايا



    avatar
    KaB0o0o0o Gh0NeAM
    نائب المدير
    كبير الأهلاويه بالمنتدى
    نائب المدير كبير الأهلاويه بالمنتدى

    عدد المساهمات : 2143
    تاريخ التسجيل : 26/07/2009
    مزاجك ايه؟ مزاجك ايه؟ : صباااااااااح الحرية

    رد: حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف KaB0o0o0o Gh0NeAM في الأربعاء أغسطس 12, 2009 11:57 pm

    تسلم ايديكى 100/100 جميلة جدااا



    avatar
    بيبسى
    مشرفة قسم حواء
    مشرفة قسم حواء

    عدد المساهمات : 144
    تاريخ التسجيل : 08/06/2009

    رد: حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف بيبسى في الخميس أغسطس 13, 2009 4:26 am

    ربنا يخليك يا كابو وميرسى اوى لمرورك



    avatar
    D0D
    مشرفة قسمى النقاش العام والصور
    مشرفة قسمى النقاش العام والصور

    عدد المساهمات : 1916
    تاريخ التسجيل : 07/06/2009
    العمر : 21
    الموقع : العالم
    مزاجك ايه؟ مزاجك ايه؟ : TAMAM

    رد: حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف D0D في السبت فبراير 20, 2010 2:34 am

    بجد كل موضيعك جميله ومفيده
    avatar
    hosamdme
    مشرف قسم الأفلام
    مشرف قسم الأفلام

    عدد المساهمات : 1223
    تاريخ التسجيل : 08/06/2009
    العمر : 23
    مزاجك ايه؟ مزاجك ايه؟ : رايق

    رد: حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف hosamdme في الأحد فبراير 21, 2010 6:44 pm

    جداااااااااااااااااااا






    avatar
    solanob
    مشرف قسم الرياضه
    مشرف قسم الرياضه

    عدد المساهمات : 2454
    تاريخ التسجيل : 11/11/2009
    العمر : 24
    الموقع : في البيت
    مزاجك ايه؟ مزاجك ايه؟ : lمصري

    رد: حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف solanob في الجمعة مارس 12, 2010 8:57 pm

    راااااااااااااااااااااااااااااااااااااااائعة



    [img][/img]
    avatar
    بيبسى
    مشرفة قسم حواء
    مشرفة قسم حواء

    عدد المساهمات : 144
    تاريخ التسجيل : 08/06/2009

    رد: حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف بيبسى في الجمعة مارس 12, 2010 9:04 pm

    ميرسى دا من زوقكم والله



    avatar
    solanob
    مشرف قسم الرياضه
    مشرف قسم الرياضه

    عدد المساهمات : 2454
    تاريخ التسجيل : 11/11/2009
    العمر : 24
    الموقع : في البيت
    مزاجك ايه؟ مزاجك ايه؟ : lمصري

    رد: حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف solanob في السبت يونيو 19, 2010 7:49 pm

    مشكور علي المجهود الراااااااائع



    [img][/img]
    avatar
    solanob
    مشرف قسم الرياضه
    مشرف قسم الرياضه

    عدد المساهمات : 2454
    تاريخ التسجيل : 11/11/2009
    العمر : 24
    الموقع : في البيت
    مزاجك ايه؟ مزاجك ايه؟ : lمصري

    رد: حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف solanob في الإثنين يونيو 28, 2010 1:36 am

    مجهووووووود كبير



    [img][/img]
    avatar
    KaB0o0o0o Gh0NeAM
    نائب المدير
    كبير الأهلاويه بالمنتدى
    نائب المدير كبير الأهلاويه بالمنتدى

    عدد المساهمات : 2143
    تاريخ التسجيل : 26/07/2009
    مزاجك ايه؟ مزاجك ايه؟ : صباااااااااح الحرية

    رد: حبيتك لإلتزامك . . . . . حبيتك لاحترامك " مقطوه جميله "

    مُساهمة من طرف KaB0o0o0o Gh0NeAM في الخميس يوليو 22, 2010 9:34 pm

    تسلمىىىىىىىىى




      الوقت/التاريخ الآن هو الأربعاء أكتوبر 18, 2017 12:53 am